مشكلة ناس كتير جداً أنهم مش عارفين يبدأوا ازاي وخصوصا مع الطموح
الى عندهم
طبعا قبل أي كلام وشعارات تتقال من نوعية برافو ولازم تكمل وتطلع
لقدام ....هبقى عامل زي النصابين بتوع التنمية البشرية الى بيقولك كلام حلو لكن
خيالي من نوعية افرد جنحاتك وطير.....
أنا هتكلم معاك عن المشكلية الحقيقية .............لأن المشكلة
الحقيقية مش انك مش عارف تبدأ إزاي !!!!!!!!!!!!!!!!!
المشكلة انك مش محدد هدف أساساً عايز توصلة .....المشكلة في غياب
الهدف
هتسألني ...طيب ممكن يكون هدفي إيه ؟؟؟؟؟ هقولك مفيش حد في الدنيا
ينفع يختارلك هدفك ولا يحددلك بالظبط هدفك هو ايه لأن ده هدفك انت
طيب يعني ايه الكلام ده يعني هفضل تايه ومش هتفيدني بأي إجابة
؟؟؟؟؟
بص كل الى أقدر أقولهولك هو انك لازم تحدد هدفك عشان تعرف تختار
الطريق المناسب للوصول للهدف ده ....من غير ما تحدد الهدف
مستحيل تعرف تبدأ من فين
تخيل نفسك وقفت عربية أجرة وركبتها ...أول سؤال بيسألة السواق ايه
( رايح فين يعني هدفك فين ) .........طيب لو مقلتش المكان الى أنا رايحة هل يقدر السواق
يوصلني ( طبعا مستحيل )
يبقى الخطوه الأولى أحدد الهدف
هتسألني أحدد هدفي إزاي ؟؟؟؟؟؟؟؟؟؟؟
هقولك مواصفات الهدف
1- الهدف لازم يكون واضح ومحدد ( يعني أنك تقول ان هدفي أطلع لقدام
وأتحرك وأكون حاجة كبيرة ---دي أحلام مش أهداف ) الهدف واضح ومحدد
2- الهدف مبني على إمكانياتك وقدراتك يعني لازم الهدف يمون متوافق
مع إمكانياتك ....( مينفعش أكون مش بعرف أعوم ويكون هدفي أعدي المحيط سباحة
...لازم أتعلم السباحة الأول)
3-بعد تحديد الهدف ساعتها تشوف الأساليب والطرق والمتطلبات لتحقيق
الهدف عشان لو مش موجودة تبدأ مشوارك بإنك توفر المتطلبات دي ( زي انك تتعلم
السباحة عشان تقدر تعدي المحيط )
4- لازم تحدد الهدف من خلالك انت مش من خلال حكم الآخرين عليك لأن
محدش يعرفك أكتر من نفسك المهم تكون واقعي مع نفسك وكلام الناس تسمعة على أنه رأي
...مجرد رأي
ومن هنا تبدأ تحدد الهدف وترسم الخطة المناسبة لتحقيقة مع الصبر
والإصرار توصل بإذن الله وربنا يكتبلك الخير
قبل ما أقفل كلامي هديلك نصيحة
الحياة محتاجة الإنسان المرن الى بيتوقع النجاح وكمان بيتوقع الفشل
....ان حصل النجاح مايتغرش وان حصل الفشل ما يتكسرش
ليست هناك تعليقات:
إرسال تعليق