بعض مشاكل الشباب

اول مشكلة

(عندك حياء اجتماعي يعني بتكسف اتكلم قدام حد و بتكسف اتعامل مع الناس مش بعرف اتعامل معاهم )

طبعا لازم نفرق ما بين الحياء وبين الثقة بالنفس فالحياء ده ميزة مش عيب فالحياء تاج المرأة ودينها وزينة للرجل ولا تعيبه

فعَنْ أَنَسٍ -رضي الله عنه- قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّ لِكُلِّ دِينٍ خُلُقًا، وَخُلُقُ الْإِسْلَامِ الْحَيَاءُ. رواه ابن ماجه.

وبالتالي ما ينقصك هو ثقتك بنفسك أما الحياء فهو صفة مطلوبة ومرغوبة

أما التعامل مع الناس وكيف تتعامل معهم فهو نابع من ثقتك بنفسك وتأكد إنك تفعل الصواب وتتحري الصحة في أفعالك وطالما ما تفعله صحيح ولا يخالف الدين فليس لديك ما تخاف منه وثق في ما تفعله

...............................................................................................

المشكلة الثانية 

(اني أصاب بالإحباط بسرعه يعني لو حد قالي اى نقد سلبي بحس اني خلاص مستحيل اقدر اعمل حاجه كويسه)

موضوع الإحباط بسبب نقد الآخرين مرتبط بثقتك بنفسك التي تفتقدها واعلم ان ليس هناك انسان غير قابل للنقد او انة من الكمال فيعجب الناس كلها...فكلنا لدينا من النواقص التي تجعلنا محل نقد على الأقل عند فئة من الناس ...ومن أكبر الأخطاء انك تجعل الناس هم المقياس الذي تريد ارضاءه فرضا كل الناس غاية لا يصل لها أحد ولذلك اجعل رضا الله هو الغاية أما الناس فمنهم من يعجبه ومنهم العكس أما عن العمل ونقده فإستخدمي النقد في تطوير نفسك ومحاولة التحسن وزيادة المستوى ولكن لترضي نفسك قبل أن ترضي الناقد

.......................................................................................

المشكلة الثالثة 

(انا مش عارف امكانياتي و مش عارف اقدر اعمل ايه و مقدرش اعمل ايه احيانا بتفاجأ من نفسي انا عملت كدا ازاى مش عارف  مواهبي و دايما بحس ان ربنا خلقني من غير مواهب و بتعامل مع نفسي ع هذا الاساس )

طبعاً موضوع ان ربنا خلقك من غير مواهب أنا مش قادر أستوعبة أساسا لأن فيه شيئ من القنوط وقلة الأيمان ويمكن ده نابع من انك بتتكلم عن نوع معين من المواهب وعلى سبيل المثال المواهب الفنية ولذلك أريد أن أوضح لك أن الله سبحانة وتعالى خلقنا وأعطانا نعم كثيرة لا تعد ولا تحصى فلا نترك كل هذة النعم ونتحصر على ما ليس فينا فليس كلنا سباح ماهر ولا كلنا مبصر ولا كلنا فنان أو لديه موهبة وكل ذلك لا ينتقص من نعم الله الأخرى ولذلك لا تحزن على عدم وجود موهبة محددة لديك ولكن ابحث في باقي امكانياتك في كل مجالات الحياة وليس في مجال واحد والمجال الفني على سبيل المثال مجرد مجال وموهبة واحدة في وسط نعم وعطايا من الله سبحانة لا عدد لها 

..................................................................

المشكلة الرابعة

 (مش عندي اهداف لان دايما عندي عقده الفشل بخاف احط هدف قدامي مقدرش احققه و افشل و خصوصا ان انا مش عندي اصرار لو مقدرتش احققها بسلم اني فاشل)

واضح انك مفسر مشكلتك ومحدد المشكلة أساسا وده في حد ذاته بداية الحل ...فإن كنت غير محددة لهدف حدد هذا الهدف وحددي بناء على قدراتك وليس بناء على رغبة الآخرين وأعلم ان الأهداف التي لا نصل لها يمكننا دائما تعديل الهدف وتغييرة وعدم الوصول لهدف ليس فشلاً وإنما هو مؤشر يوضح لنا اننا ليس على المسار الصحيح وبالتالي المطلوب تصحيح المسار وأيضا لابد من الإصرار والتحدي وإن لم يكن عندك اصرار فلما تحزن على عدم الوصول ؟

أول حاجة لازم تحدد هدفك انتي عايزة توصل لإيه وبناء على الهدف ده تحددي خطواتك القادمة ...هتسألين الهدف ممكن يكون ايه ؟؟؟ ....هقولك لازم انت الى تحدده لأن محدش يعرفك أكتر من نفسك وتعرف قدراتك نفسها ممكن توصلك لفين ...وحاجة تانية مهمة ...لما تحدد هدفك لازم يكون هدف واضح ومحدد ....لأن كلمة مش عايز أقف  في حد ذاتها مش هدف دي مجرد تعبير عن حماسك ...الهدف لازم يكون واضح ....وبعد كدة تشوف ايه الخطوات اللازمة عشان توصل للهدف على حسب متطلبات الهدف نفسة ....