(((((( مباراة كرة قدم ))))))
من ساعة ما وعيت في الدنيا دي وأنا شايف كل الناس في مصر مش بتعمل حاجة غير انها تصنف البشر وكل واحد بيحاول يحط نفسه في فئة بناء على وضعها سواء اجتماعيا أو ثقافياً أو اقتصاديا .....إلى آخرة لكن المعيار الأساسي والهدف الرئيسي انه يكون في فئة معينه مش أنه يبقى إنسان أفضل ....الهدف انه يتعالى ويذل الفئة الى هو شايف من وجهة نظرة أقل منه .
والموضوع ده منتشر في أغلب الشعب المصري ( الفئات )
كل واحد يشوف فئه أقل منه ويدور على ضعف غيرة ويدوس علية لمجرد انه يحس انة منتصر أو انه أحسن من جارة
حتى في الأمور التافهة بيعمل نفس الشئ
طول عمري بشوف الناس بتتخانق ولما أدور على السبب الحقيقي للخناقة تلاقيها واحد شايف التاني اقل منه عشان كدة مش بيسمحلو انه حتى يتناقش معاه ( فئه أعلى وفئة أقل )
ولو عايز تعرف الناس دي ازاي ( بسيطه )
-أول حاجة الناس دي متناقضة في أفعالها وأقوالها ...يعنى يكلمك عن الفضيله والحق وهو بيطمس الحق ويستغل قوته على الناس
- يتكلم عن العيب وهو أول واحد بيستخدم الشتيمه في كلامه
- يكلمك عن الدين لكن لما يكون في مصلحته وغير ده ينسى الدين بيقول ايه
- لما تيجي تتناقش معاه في موضوع تلاقية راح لموضوع تاني يعرف يتكلم فيه
- لما يكون عنده حق في موضوع يحسسك أنه حرر القدس
- يتكلم في المواضيع الي بعيد عن فئتة بكل موضوعية ولما الموضوع يخص فئته يبقى متحيز بكل وضوح
- التحيز لدرجة إنكار الحق مهما كان الموضوع بسيط وتافه ولو اتزنق يقولك يا عم دا أنا كنت بهزر
- الإستمتاع والتلذذ بضعف وخسارة الفئات الأخرى
...
...
كل الحاجات موجوده أغلب الشعب المصر وبيعاملو بعضهم بالطريقة دي وده خلاني أحس ان الشعب ده محتاج وقفة ضرورية
وبالرغم ان الدليل على كلامي ده دليل ناس كتير حتقول علية دليل تافة واني بقول الكلام ده لسبب شخصى
لكن هو أقرب مثال خلى الموضوع ده يزيد جواية وهو ازاي الشعب ده ممكن يقسم نفسة ويزل بعضة ويتشفى في غيرة عشان
(((((( مباراة كرة قدم ))))))
ليست هناك تعليقات:
إرسال تعليق