الدراسات العليا (هل أدرس أم لا)

عشان تقرر تحضر دراسات عليا ولا لأ لازم تسأل نفسك سؤال ولازم تكون محدد إجابتك بشكل واضح والسؤال هو
عايز تحضر دراسات عليا ليه ؟؟
الإجابة الأولى
...أنا عندي طموح وعايز أكمل درجات التعليم وأروح لشهادة أعلى...
ودي إجابة جميلة ونموذجية وده في حالة انك مؤمن بده فعلا لكن لازم تحط في بالك ان الدراسات العليا مش سهلة ومحتاجة مجهود وقبل ده كلة امكانياتك الشخصية والفنية في التخصص ترقى انها تكمل دراسات عليا لأنها بتعتمد على مستواك في تخصصك مش مجرد ورق بتعملة فإن مكنتش ذو مستوى ممتاز في تخصصك حتتعب نفسك وحتتعب الى حواليك على الفاضي
الإجابة الثانية
.... أنا خلصت ومش بشتغل وعندي وقت فبدل ما أضيعة قولت أحضر ماجستير ...
طبعا دي إجابة ملهاش رد غير ان الدراسات العليا مش معمولة عشان تقضي وقتك لأنها مرهقة بدنيا وذهنيا وماديا ودي حاجات مش معمولة لتقضية الوقت وخاصة لو مستواك لا يستحق وليس لديك الإستعداد لتقبل الصعوبات من سفر وشغل وكتابة وبحث ..
الإجابة الثالثة
... أنا محتاج شهادة الماجستير عشان بتديني فرص أكثر في العمل أو السفر ....
شيئ ممتاز انك تفكر بشكل عملي عشان تزود فرصك في سوق العمل .....لكن مش شهادة الماجستير هي الى حتزودها الى حيزودها المهارات الموجودة فيك الى كل ما زادت كل ما كان عندك فرص والمهارات الى أقصدها ( لغة – كمبيوتر – استخدام برامج – مهاراتك الفنية ومستواك الفني- ........) لما بتحضر ماجستير بتاخد فية على الأقل 3 سنوات والى ممكن خلالهم تاخد 3أو 4 دورات لغة على 3 دورات كمبيوتر محترمين وساعتها حتكتسب مهارات أكتر في أكتر من مجال وبالتالي فرصك حتزيد وفي الدراسات العليا انت حتقعد 3 أو 4 سنين وحتطلع في تخصص واحد ..
الإجابة الرابعة
....شهادة الماجستير ممكن اتعين في الجامعة لما بيطلبوا تعين أعضاء هيئة تدريس .....
شيئ رائع جداً ....بس الأول أسأل نفسي هو أنا مستواي ينفع ....ثانيا ...هو أنا مطلعتش الأول أو التاني على دفعتي ليه عشان أتعين ....ثالثا الأرزاق على الله بتقعد تحضر 3 أو 4 سنين من حياتك عشان أحتمالات وللأسف ضعيفة ........
.......................دول أشهر إجابات.......................
أنا عارف أنهم صعبين ورأي صعب تقبلة لكنة وافعي وأفضل من اني أقولكم تعالوا الدنيا وردية وتضيعوا وقت وجهد وفلوس بدون نتيجة وده مش لكل الناس طبعا.... أنت بتقيس نفسك ومستواك ومدى تقبلك للموضوع وبتجاوب على الأسئلة الى فوق بكل وضوح مع نفسك ولو اقتنعت بإجاباتك لنفسك حضر دراسات عليا أما في حالة انك لقيت ان الموضوع مجرد بتضيع بية وقتك لأنك مش لاقي حاجة تعملها ما أنصحكش تحضر...
وطبعا في ناس لازم تكمل وتحضر ماجستير ودكتوراة كمان وهما بيبقوا عارفين نفسهم لدرجة أنهم مش بياخدوا وقت وتفكير كتير في هذا القراروده لية
1- عارف مستواه وانه يستاهل يكمل وينافس لأنه شاطرومتفوق في تخصصة حتى لو مكنش من العشرة الأوائل مش واحد بيقضيها وخلاص
2- محتاج يبحث ويلاقي نفسة ويقدم شيئ جديد
3- ليه رؤية وهدف واضح بالنسبالة عايز يحققة
4- مستعد لتحمل كل الصعوبات والضغط الى حيواجهة
ودول بقولهم احنا نتشرف بيكم تحضروا دراسات عليا
-------------------------------------------------------
ضع تعليقاً على الموضوع اواستفسار للرد علية

Edit